Łukašenka zamianiŭ hałoŭnaha vajskovaha ideołaha
president.gov.by
U biełaruskim vojsku zdaryŭsia kadravy dzień. Alaksandr Łukašenka pryznačyŭ čatyroch novych kiraŭnikoŭ.
Alaksandr Valfovič, jaki raniej zajmaŭ pasadu kamandujučaha vojskami Paŭnočna-zachodniaha apieratyŭnaha kamandavańnia Uzbrojenych Sił, pryznačany pieršym namieśnikam načalnika Hienieralnaha štaba Uzbrojenych Sił.
Kamandujučym vojskami Paŭnočna-zachodniaha apieratyŭnaha kamandavańnia staŭ Andrej Žuk. Da hetaha času jon zajmaŭ pasadu namieśnika kamandujučaha vojskami Zachodniaha apieratyŭnaha kamandavańnia Uzbrojenych Sił.
U svaju čarhu namieśnikam kamandujučaha vojskami Zachodniaha apieratyŭnaha kamandavańnia Uzbrojenych Sił pryznačany Ihar Dziemidzienka, jaki raniej uznačalvaŭ infarmacyjna-analityčnaje kiravańnie Hienštaba.
Leanid Kasinski staŭ novym hałoŭnym vajskovym ideołaham. Jahonaja aficyjnaja pasada — načalnik hałoŭnaha ŭpraŭleńnia ideałahičnaj raboty Ministerstva abarony. Raniej jon byŭ pieršym namieśnikam u hetym ža ŭpraŭleńni.
Jahony papiarednik Alaksandr Hura adpraŭleny na piensiju. Dva dni tamu jon adśviatkavaŭ 60-hodździe.