Z červienia na ŭsich stancyjach minskaha mietro možna budzie apłacić prajezd bankaŭskaj kartaj
Turnikiety ź bieskantaktavaj apłataj bankaŭskimi kartkami źjaviacca ŭ červieni na ŭsich stancyjach minskaha mietro, raspaviali ŭ BPS-Śbierbank.
Fota: Maksim Puškin, Tut.by.
Turnikiety ź bieskantaktavaj apłataj užo pracujuć na ŭsich viestybiulach stancyj mietro «Płošča Lenina», «Kamiennaja Horka» i «Płošča Jakuba Kołasa». Zhodna z dadzienymi BPS-Śbierbanka, imi ŭžo skarystałasia bolš za 50 tysiač pasažyraŭ. Miarkujecca, što ŭ červieni takaja mahčymaść budzie realizavana na ŭsich stancyjach.
Raźličvacca za prajezd biez žetonaŭ i prajaznych zaraz mohuć uładalniki kart Visa payWave i Mastercard PayPass. Nieŭzabavie takaja mahčymaść źjavicca i ŭ trymalnikaŭ bieskantaktavych kart nacyjanalnaj płaciežnaj sistemy Biełkart-Maestro.
Kab apłacić prajezd, treba prykłaści bieskantaktnuju kartku luboha banka luboj krainy da validatara na turnikiecie, ź jaje śpišacca 65 kapiejek, i paśla hetaha vy zmožacie prachodzić dalej.