Kim Čen Yn zachacieŭ sustrecca z Pucinym
Učora, 31 maja, u Pchieńjanie adbyłasia sustreča ministra zamiežnych spraŭ Rasii Siarhieja Łaŭrova i lidara KNDR. Pa jaje vynikach Kim Čen Yn prapanavaŭ arhanizavać u hetym hodzie sustreču na najvyšejšym uzroŭni pamiž im i Uładzimiram Pucinym dziela dalejšaha raźvićcia dvuchbakovych adnosin, piša RBK.
U paviedamleńni paŭnočnakarejskaha ahienctva CTAK, pryśviečanaha sustrečy z Łaŭrovym, pryvodziacca słovy Kim Čen Yna pra nieabchodnaść raźvivać supracoŭnictva pamiž dźviuma krainami ŭ roznych halinach i «abmierkavać sustreču pamiž lidarami Rasii i KNDR u hetym hodzie ŭ aznamienavańnie 70-hadovaj hadaviny ŭstanaŭleńnia dypłamatyčnych adnosin».
Na dumku Kim Čen Yna, samit na vyšejšym uzroŭni budzie sadziejničać dalejšamu ŭmacavańniu adnosin dźviuch krain.