Rasija ŭviadzie abmiežavańni na pastaŭki biełaruskaha małaka
Raśsielhasnahlad uvodzić časovyja abmiežavańni na pastaŭku niekatorych vidaŭ małaka i małočnaj pradukcyi ź Biełarusi z 6 červienia, paviedamiła RBK aficyjny pradstaŭnik viedamstva Julija Miełana.
Pavodle jaje słoŭ, rašeńnie pryniata z-za taho, što ź Biełarusi nibyta praciahvaje pastupać «niebiaśpiečnaja małočnaja pradukcyja». Bolš za ŭsio parušeńniaŭ rasijskija ŭłady vyjavili ŭ małace i viarškach pasteryzavanych i sterylizavanych nalivam, małace i viarškach suchich, kancentravanych, kansiervavanych i zhuščanych, syrovatkach, kancentracie białku.
Jak udakładniła Miełana, abmiežavańni ŭvodziacca na ŭvoz usioj pieraličanaj pradukcyi, jakaja pastupaje jak na pierapracoŭku, tak i ŭ spažyvieckaj tary, abjomam zvyš 2,5 litra.
Rasija ŭžo źbirałasia ŭ pačatku 2018 hoda abmiežavać uvoz asobnych vidaŭ małočnaj pradukcyi ź Biełarusi. Spačatku adpaviednyja miery ŭłady płanavali ŭvieści z 26 lutaha, ale paźniej hety termin pieranosiŭsia. 4 sakavika ŭ Raśsielhasnahladzie zajavili, što abmiežavańni ŭvodzicca nie buduć.