Ukrainski režysior Leanid Kanter źniaŭ svaju śmierć na videakamieru
Ukrainski režysior Leanid Kanter źniaŭ svaju śmierć na videakamieru. Heta było samahubstva. Pra heta «Ukrainskaj praŭdzie» paviedamiŭ pres-sakratar Nacyjanalnaj palicyi Jarasłaŭ Trakała.
«Uvieś praces zdymaŭ na videa, jakoje kanfiskavała palicyja. Jano dałučanaje da materyjałaŭ kryminalnaj vytvorčaści», — paviedamiŭ Trakała.
Cieła vyjaviła siabroŭka Leanida, jakaja i vyklikała palicyju.
Palicyja taksama paviedamlała, što Kanter napisaŭ pieradśmiarotnyja zapiski rodnym i znajomym.
Leanid Kanter — ukrainski pradziusar, režysior i padarožnik. U žniŭni 2014 jon syšoŭ dobraachvotnikam u 2-i bataljon Nacyjanalnaj hvardyi Ukrainy. Jaho siabar režysior Ivan Jasny ŭhavaryŭ uziać kamieru i zdymać film, jaki paśla nazvali «Vajna za svoj košt».
Bolš Leanid Kanter viadomy pa dakumientalnych filmach «Dobraachvotniki Božaj pary» (The Ukrainians) pra abaroncaŭ Danieckaha aeraporta i stužkaj «Mif» pra zahinułaha na Danbasie opiernaha śpievaka Vasila Ślipaka.