Byłoha dyrektara turemnaj meblevaj fabryki ŭ Ivacevičach buduć sudzić za chabar u 207 tysiač jeŭra
udakładniena
Prakuratura nakiravała ŭ sud kryminalnuju spravu pa abvinavačvańni byłoha dyrektara meblevaj fabryki pry «Papraŭčaj ustanovie № 5». Jaho abvinavačvajuć u złačynstvie suprać intaresaŭ słužby. Pra heta paviedamlaje pres-słužba Hienprakuratury.
Jaho abvinavačvajuć u atrymańni chabaru ŭ asabliva bujnym pamiery.
«Abvinavačvanamu inkryminavana, što jon, budučy słužbovaj asobaj, dziejničajučy z karyślivych mierkavańniaŭ, z 17 sakavika 2009 hoda pa 4 sakavika 2013 hoda atrymaŭ ad pradstaŭnika francuzskaj kampanii ŭ jakaści chabaru 207 365 jeŭra. Pradmietam takoj damoŭlenaści stała rašeńnie pytańniaŭ, źviazanych z zaklučeńniem i vykanańniem dahavoraŭ ab pastaŭkach za miežy krainy mebli, vyrablenaj na biełaruskim pradpryjemstvie», - raspaviali ŭ viedamstvie.
Abvinavačany znachodzicca pad vartaj. Jamu pahražaje da 15 hadoŭ pazbaŭleńnia voli z kanfiskacyjaj majomaści.
Udakładnieńnie: Pieršapačatkova my pamyłkova paviedamili, što abvinavačvajuć byłoha dyrektara turmy. Nasamreč, havorka idzie pra byłoha dyrektara turemnaj meblevaj fabryki.