Kanadski sienat prahałasavaŭ za lehalizacyju marychuany
Ułady Kanady zrabili važny krok da dekryminalizacyi ŭžyvańnia marychuany, jakuju pakul što ŭ krainie možna vykarystoŭvać tolki ŭ miedycynskich metach, paviedamlaje Bi-bi-si.
Vierchniaja pałata kanadskaha sienata paŭhoda razhladała zakonaprajekt, jaki dazvalaje ŭžyvańnie marychuany. U vyniku 56 čałaviek prahałasavali za jaje lehalizacyju, 30 sienataraŭ byli suprać.
U zakonaprajekt uniesiena niekalki papravak, jon viernuty ŭ pałatu abščyn dla paŭtornaha razhladu.
Razmovy ab lehalizacyi marychuany ŭ Kanadzie iduć daŭno. Sienat ličyŭsia hałoŭnaj pieraškodaj, bo kansiervatary ŭ hetym zakanadaŭčym orhanie sprabavali zabłakavać zakonaprajekt.
Niekatoryja papraŭki ŭ zakonaprajekcie adlustroŭvajuć ich pazicyju. Prapanavanyja, naprykład, bolš žorstkija abmiežavańni rekłamy marychuany, a taksama pradastaŭleńnie rehijanalnym uładam dadatkovych paŭnamoctvaŭ u kantroli nad vyroščvańniem kanoplaŭ pryvatnymi asobami.
Zakonaprajekt padzialaje adkaznaść pamiž fiederalnymi i rehijanalnymi ŭładami. Fiederalny centr budzie rehulavać vytvorčaść, a rašeńni ab tym, jak pradavać marychuanu i ci možna budzie palić jaje ŭ hramadskich miescach, buduć prymać miascovyja ŭłady.
Kanadcam u vypadku pryniaćcia zakona dazvolać vyroščvać doma da čatyroch raślin kanoplaŭ. 30 hramaŭ marychuany možna budzie mieć pry sabie dla asabistaha karystańnia.
U toj ža čas tych, chto bieź licenzii pasprabuje pradavać marychuanu, čakajuć surjoznyja štrafy. Strohija pakarańni praduhledžany taksama dla tych, chto daje jaje padletkam ci vodzić mašynu pad dziejańniem narkotyku.