Tramp: Rasija pavinna prysutničać na samitach G7
Reuters.com
Rasija pavinna być udzielnicaj sustreč kiraŭnikoŭ dziaržaŭ «Vialikaj siamiorki», zajaviŭ prezident ZŠA Donald Tramp napiaredadni pajezdki ŭ Kviebiek, Kanada, na čarhovuju sustreču kiraŭnikoŭ dziaržaŭ G7, paviedamlaje ahienctva Reuters.
U paviedamleńni nie havorycca, jak kiraŭnik Biełaha doma abhruntavaŭ svaju pazicyju. Čakajecca, što astatnija ŭdzielniki samitu G7 buduć akazvać cisk na Trampa ŭ suviazi z tym, što ZŠA ŭviali impartnyja pošliny na stal i aluminij, u tym liku ź Jeŭrasajuza i Kanady.
Pres-sakratar prezidenta Rasii Dźmitryj Piaskoŭ ŭžo prakamientavaŭ hetuju navinu. «Rasija kancentrujecca na inšych, čym G7, farmatach», - skazaŭ jon