Haj Ryčy źniaŭ rolik da ČS pa futbole ŭ Rasii, zdymki prajšli ŭ Kijevie VIDEA
Režysior Haj Ryčy źniaŭ rekłamny rolik dla brenda navušnikaŭ Beats, jaki naležyć Apple.
U zdymkach rolika ŭziali ŭdzieł forvard łondanskaha «Totenchema» Hary Kiejn, vinhier paryžskaha «PSŽ» Niejmar, chaŭbiek łondanskaha «Arsienała» Miesut Oził i krajni abaronca «ManSici» Bienžamien Miendzi, bramnik «MIU» David de Chiea, a taksama Ćjery Anry dy tenisistka Sierena Uiljams.
Hałoŭny hieroj rekłamy — juny rasijanin Andrej, jaki vychodzić na dvor pahulać ź miačom, ale sutykajecca z chulihanami. Zakadravy hołas (rolik ahučvaŭ akcior Poł Andersan) nazyvaje Andreja «budučyniaj rasijskaha futboła», jaki natchniajecca historyjami paśpiachovych futbalistaŭ. Chłopcu davodzicca ŭciakać ad chulihanaŭ.
Cikava, što ŭkrainskija žurnalisty vyśvietlili, što kadry z Andrejem byli źniaty ŭ Kijevie. Na heta pakazvajuć damy ŭ roliku, a taksama aŭtamabilnyja numary i mahnicik z nadpisam «Z dniom zakochanich» na ladoŭni. A rolik niebłahi, varta pahladzieć.