Łukašenka sustreŭsia ŭ Kitai z prezidentam Manholii
Biełaruś hatova stvarać u Manholii vysokapradukcyjnyja pradpryjemstvy i vytvorčaści biełaruskaj techniki. Pra heta Alaksandr Łukašenka zajaviŭ siońnia na sustrečy z prezidentam Manholii Chałtmahijnam Batułhoj.
Manholski bok padčas sustrečy vykazaŭ zacikaŭlenaść u stvareńni małočnaj vytvorčaści pa biełaruskich technałohijach. Alaksandr Łukašenka adkazaŭ, što Biełaruś hatova padzialicca svaim vopytam u hetym kirunku. «I ŭ vypadku, kali my damovimsia, hatovyja pabudavać u vas kłastar pa vytvorčaści i pierapracoŭcy małaka. Ja viedaju, što Manholija maje patrebu ŭ takich vysokapradukcyjnych pradpryjemstvach», - skazaŭ Łukašenka.
Kiraŭnik dziaržavy dadaŭ, što ŭ Manholii znajomyja z mahčymaściami Biełarusi pa vytvorčaści aŭtamabilnaj i sielskahaspadarčaj techniki. «Kali vas heta budzie cikavić, my hatovyja vam heta prademanstravać u Biełarusi. Kali vas zacikavić novaja technika, jakuju my stvarajem, my hatovyja z vami handlavać joju, ale i nie tolki. My hatovy taksama da taho, kab na terytoryi Manholii stvarać sumiesnyja pradpryjemstvy pa vytvorčaści padobnaj techniki «, - źviarnuŭ uvahu biełaruski kiraŭnik