Žłobinskamu školniku paadryvała palcy — jon uzarvaŭ bałončyk ad pnieŭmatyki
Ranicaj 10 červienia ŭ Žłobinskuju rajonnuju balnicu pryvieźli 16-hadovaha chłopca z traŭmaj ruki.
Vyśvietliłasia, što dzieviacikłaśnik i jaho siabar, navučeniec 7-ha kłasa, sabrali samarobny bałončyk ź pnieŭmatyki i vyrašyli jaho padarvać.
Paśla padpału knota jomistaść vybuchnuła prama ŭ rukach starejšaha padletka, u vyniku čaho jon atrymaŭ častkovuju amputacyju čatyroch palcaŭ pravaj ruki, paviedamlaje MNS. Chłopiec byŭ praapieravany i znachodzicca ŭ reanimacyjnym adździaleńni balnicy.
U vyniku vybuchu paciarpieli jašče dva padletka. Adzin atrymaŭ irvanuju ranu ściahna, druhi — irvanyja rany abodvuch pieradpleččaŭ. Paśla akazańnia miedycynskaj dapamohi ich adpuścili dadomu dla ambułatornaha lačeńnia.