Kasmanaŭt Kavalonak pra Kurapaty: Nielha, kab pobač sa śviatym miescam byli hulanki z hołymi azadkami
Cvaim bačańniem kanfliktu vakoł restaracyi kala miesca masavych rasstrełaŭ achviaraŭ stalinskich represijaŭ u Kurapatach padzialiŭsia Uładzimir Kavalonak, kasmanaŭt, prezident Fiederacyi kasmanaŭtyki Rasii, u minułym — deputat Viarchoŭnaha Savieta Biełarusi, načalnik Vajskova-pavietranaj inžyniernaj akademii RF, piša Radyjo Svaboda.
«Mnie ciažka mierkavać, ja žyvu pa-za miežami Biełarusi, u Rasii, ale ja biełarus. Ja liču, što Kurapaty — heta samaje śviatoje miesca dla kožnaha narmalnaha biełarusa pry ćviarozym rozumie. My ŭsie pavinny viedać, što tam było. I rabić tam restaran, kab pobač z hetym śviatym miescam byli hulanki z hołymi azadkami, — ja hetaha nie vitaŭ by. Na biełaruskaj ziamli davoli miesca, dzie možna zbudavać restaran, jaki byŭ by bolš addaleny ad Kurapataŭ.
Ja nie pajšoŭ by ŭ taki restaran, kali pobač Kurapaty».