16 červienia — biełaruskaja impreza dla maleńkich čytačoŭ
16 červienia ŭ «Bukaškinym domie» vydaviectva «Halijafy» zładzić imprezu dla maleńkich čytačoŭ. Razam z mastačkaj knihi «Dom cikaŭnych kazak» Alenaj Sacuta dzieci pabudujuć svoj 3D-dom i pasielać tudy papiarovych hierojaŭ knihi! A piśmieńnica, aŭtarka knihi, Nadzieja Jaśminska pačytaje dzieciam kazačnyja historyi.
Usich achvotnych čakajuć 16 červienia ab 11-j u kniharni «Bukaškin dom» (vuł. Mścisłaŭca, 24). Ale spačatku treba zarehistravacca pa numary +375 29 160 50 20. Impreza budzie cikavaja dzieciam ad 6 hod.
«Dom cikaŭnych kazak» - dziciačaja kniha z sučasnymi kazkami i papiarovymi ilustracyjami. Zaraz jaje možna zamović praz kraŭdfandynh sa źnižkaj 30%. Kniha składajecca z 10 historyj, dziei ŭ jakich adbyvajucca ŭ sučasnym śviecie i tamu dzieci mohuć paznać u maleńkich hierojach siabie. Usie kazki davoli jomistyja i karotkija - toje, što treba dla čytańnia nanač i ŭtulnych viačorak z knihaj. Dla taho kab prailustravać hetuju knihu, mastačka Alena Sacuta vyrazała i skleiła 1600 papiarovych detalaŭ!