Ziacia karala Ispanii asudzili na šeść hadoŭ turmy
EPA
Viarchoŭny sud Ispanii prysudziŭ da piaci hadoŭ i 10 miesiacaŭ pazbaŭleńnia voli Ińjaki Urdanharyna — muža infanty Kryściny, siastry karala Filipa VI. Dadzienuju infarmacyju paćvierdzili TASS u aŭtorak u sudzie.
Ziać manarcha — u minułym viadomy handbalist, 6-y razovy pieramožca Lihi čempijonaŭ — prachodziŭ pa spravie ab finansavych machinacyjach. VS razhladaŭ apielacyju Urdanharyna na rašeńnie suda horada Palma-de-Majorka, jaki raniej prysudziŭ muža Kryściny da šaści hadoŭ i troch miesiacaŭ turmy. Jak havorycca ŭ raspaŭsiudžanaj pastanovie VS, muž infanty asudžany za «rastratu, słužbovaje złačynstva, machlarstva, dva padatkovyja złačynstvy i vykarystańnie suviaziaŭ».
Słuchańni pa spravie ab machlarstvie pačalisia 11 studzienia 2016 hoda i zavieršycca 22 červienia taho ž hoda. Usiaho pa spravie prachodzili 17 čałaviek, u tym liku infanta. Člen ispanskaj manarchavaj siamji ŭpieršyniu apynuŭsia na łavie padsudnych.
Pa dadzienych prakuratury, hramadskaja arhanizacyja «Instytut noos», u kiraŭnictva jakoj uvachodzili Urdanharyn i jaho były dziełavy partnior Dyjeha Tores, źjaŭlałasia ŭsiaho tolki prykryćciom dla atrymańnia bujnych sum ź biudžetaŭ Balearskich vyspaŭ i Valensii i ich dalejšaha prysvajeńnia vuzkaj hrupaj asob. Instytut, na dumku śledstva, mocna zavyšaŭ košt damoŭ ź miascovymi ŭładami na praviadzieńnie roznych spartyŭnych mierapryjemstvaŭ, a zatym nakiroŭvaŭ atrymanyja srodki ŭ kamiercyjnyja firmy. Takim čynam było prysvojena zvyš € 6 młn.
Pa vynikach słuchańniaŭ sud horada Palma-de-Majorka pryznaŭ infantu nievinavataj u finansavym machlarstvie. Ziać manarcha byŭ prysudžany da šaści hadoŭ i troch miesiacaŭ turmy. Jon vyrašyŭ abskardzić vierdykt u VS. Prakuratura zajaviła, što budzie damahacca 10 hadoŭ źniavoleńnia dla Urdanharyna, jaki zajaŭlaŭ ab svajoj nievinavataści.