Pryznačany hałoŭny trenier madrydskaha «Reała». Vybar ździŭleńnia nie vyklikaje
marca.es
«Reał» aficyjna abviaściŭ pra pryznačeńnie novym hałoŭnym trenieram kamandy Chulena Łapietehi zamiest Ziniedzina Zidana. U ciapierašni čas śpiecyjalist pracuje sa zbornaj Ispanii i rychtuje kamandu da startu na čempijanacie śvietu.
Łapietehi padpisaŭ z «Reałam» kantrakt na try hady. Pra heta paviedamlaje pres-słužba kłuba. Jon dałučycca da svajoj novaj kamandy paśla ČS-2018.
Dla Łapietehi «Reał» stanie ŭsiaho treciaj kamandaj na kłubnym uzroŭni. Raniej jon pracavaŭ u Ispanii z «Rajo Valjekana» i ŭ Partuhalii z «Portu». U 2016 hodzie jon pryniaŭ zbornuju Ispanii, a raniej pracavaŭ z moładzievymi zbornymi krainy.