Rektar Horackaj akademii atrymaŭ termin, bo pakryŭdžany ziać raskazaŭ siłavikam usiu praŭdu pra jaho
Za karupcyju asudzili rektara sielhasakademii ŭ Horkach. Paŭła Saskieviča prysudzili da troch hadoŭ pazbaŭleńnia voli z adterminoŭkaj na 2 hady i štrafu ŭ pamiery 7350 rubloŭ. Prysud pakul nie ŭstupiŭ u zakonnuju siłu, Saskievič zastajecca rektaram. TUT.BY daviedaŭsia padrabiaznaści spravy.
fota horki.info
U 2011 hodzie Pavieł Saskievič, budučy jašče pieršym prarektaram BDSHA, fiktyŭna ŭładkavaŭ na pracu ŭ sielhasakademiju svajho ziacia: skazaŭ padnačalenym aformić dakumienty, ale papiaredziŭ ich, što ziać budzie tolki ličycca łabarantam navukova-daśledčaj častki akademii.
— Ziać Saskieviča byŭ indyvidualnym pradprymalnikam i ažyćciaŭlaŭ pradprymalnickuju dziejnaść. Jaho abaviazki łabaranta vykonvali inšyja supracoŭniki akademii i atrymlivali za heta zarpłatu. Aficyjnaje pracaŭładkavańnie mužčynie nieabchodna było dla taho, kab nie płacić unioski ŭ Fond sacabarony,
— patłumačyła TUT.BY staršy pamočnik prakurora Mahiloŭskaj vobłaści Alena Šumiejka.
Łabarantam ziać Saskieviča «pracavaŭ» z 2011 pa 2014 hod. Jak stała viadoma TUT.BY,
u 2014-m jon raźvioŭsia z dačkoj rektara, pamiž byłymi mužam i žonkaj pačaŭsia kanflikt. Paśla čarhovaj svarki jaje były muž raskazaŭ siłavikam, što ŭ akademii jon faktyčna nie pracavaŭ, a byŭ uładkavany fiktyŭna.
Da taho momantu Saskievič byŭ užo rektaram BDSHA.
Padčas śledstva Pavieł Saskievič vinu nie pryznavaŭ. Maŭlaŭ, dumaŭ, što eks-ziać chodzić na pracu i vykonvaje svaje abaviazki. Pra toje, što heta nie tak, Saskievič nibyta daviedaŭsia tolki padčas pravierki.