Nazvany najlepšy multfilm usich časoŭ
Partał USA Today skłaŭ rejtynh z sotni najlepšych animacyjnych stužak usich časoŭ. Lidaram śpisu stała poŭnamietražnaje anime «Mahiła śvietlačkoŭ» 1988 hoda.
Multfilm japonskaha režysiora-multyplikatara Isaa Takachata zasnavany na ramanie Akijuki Nasaki i raspaviadaje historyju padletka Sejty i jaho małodšaj siastry Secuka, baćki jakich zahinuli padčas Druhoj suśvietnaj vajny. Krytyki nazyvali «Mahiłu śvietlačkoŭ» adnym z najvialikšych filmaŭ pra vajnu ŭ historyi. Takachata pamior u krasaviku 2018 hoda.
Na druhim miescy akazaŭsia multfilm «Hałavałomka» 2015 hoda pra 11-hadovuju školnicu i emocyi ŭ jaje hałavie. Treci radok dastaŭsia treciaj častcy «Historyi cacak», reliz jakoj adbyŭsia ŭ 2010 hodzie.