Viełasipiedyst zahinuŭ pad kołami aŭtamabila ŭ Krupskim rajonie
Avaryja adbyłasia 13 červienia kala 22.40 na 50-m km aŭtadarohi Krupki — Tałačyn kala vioski Stary Bobr, piša BiełTA.
Kiroŭca «Opiela Astra» pry raźjeździe z sustrečnaj mašynaj, jakaja jaho aślapiła, źbiŭ viełasipiedysta, što ruchaŭsia ŭ spadarožnym kirunku. U vyniku DTZ mužčyna ad atrymanych traŭmaŭ pamior u reanimacyi.
Kiroŭca lehkavika byŭ ćviarozy. Mašyna jamu nie naležyć, techahlad adsutničaje.