U Kamiennaj Horcy školnik rabiŭ padpały ŭ šmatpaviarchovikach FOTA
Frunzienskim rajonnym adździełam Minska Śledčaha kamiteta zavieršana rasśledavańnie kryminalnaj spravy pa abvinavačvańni 15-hadovaha školnika ŭ ździajśnieńni padpałaŭ, paviedamlaje SK.
Dniom 5 lutaha padletak padpaliŭ kardonnyja skrynki ŭ padsobnym pamiaškańni na leśvičnaj placoŭcy 10-ha paviercha doma na vuł. Niomanskaj. U vyniku byli paškodžanyja i źniščanyja ŭvachodnyja dźviery, zvanki, dyvanki troch kvater i majomaść kaapieratyva na 6,4 tys. rubloŭ. 3 maja školnik padpaliŭ dźviery na 9-m paviersie doma pa vuł.Kamiennahorskaj. Škoda skłała 1 tysiaču rubloŭ.
U abodvuch vypadkach supracoŭniki MNS likvidoŭvali ŭzharańnie. Dziakujučy apieratyŭnaj dapamozie ratavalnikaŭ i razumnym dziejańniam žycharoŭ nichto nie paciarpieŭ.
Kamieraj videanazirańnia ŭ padjeździe byli zafiksavanyja abstaviny druhoha padpału. Heta dazvoliła praź niekalki hadzin vyličyć asobu padazravanaha i zatrymać jaho. Raniej da administracyjnaj i kryminalnaj adkaznaści padletak nie pryciahvaŭsia, na prafiłaktyčnych ulikach nie znachodziŭsia. Jon moh ŭśviedamlać hramadskuju niebiaśpieku svaich dziejańniaŭ i kiravać imi.
Dzieviacikłaśnik u dni padpałaŭ prahulvaŭ škołu. Vybiraŭ kvatery vypadkovym čynam u damach svajho mikrarajona. Paśla padpału sychodziŭ ź miesca zdareńnia i na vulicy naziraŭ za pracaj MNS.
Z sankcyi prakurora padletak zaklučany pad vartu. Škoda paciarpiełym kampiensavana častkova. Kryminalnaja sprava nakiravanaja ŭ sud.