U Minsku pačaścilisia vypadki kradziažu kołaŭ z kantejnieraŭ dla śmiećcia. Ich prychodzicca pryvarvać
Vypadki kradziažu kołaŭ sa śmiećcievych kantejnieraŭ pačaścilisia ŭ stalicy, paviedamlaje «Minsk-Novosti».
Sioleta za 5 miesiacaŭ tolki ŭ šaści rajonach Minska vykradzienyja 134 koły. Kab praduchilić padobnaje, tut vymušany pryvarvać kołavyja błoki da bakaŭ, u tym liku i da novych.
Ciapier u horadzie adbyvajecca zamiena śmiećcievych kantejnieraŭ staroha ŭzoru (acynkavanych, mietaličnych i sietkavatych) na novyja.
U bližejšy čas razhladajecca pytańnie pra zakupku čarhovaj partyi. Usiaho, pavodle papiarednich dadzienych, u Minsku nieabchodna zamianić krychu bolš za 5 tysiač kantejnieraŭ.