Vajskoŭca ź Piečaŭ asudzili da troch hadoŭ kałonii
Barysaŭski sud pryznaŭ staršaha lejtenanta Hleba Čajkoŭskaha vinavatym pa č.1, č.2 art. 455 KK «Złoŭžyvańnie ŭładaj, spałučanaje z hvałtam», paviedamlaje Radyjo Svaboda.
Hleb Čajkoŭski słužyŭ u 3 hvardziejskaj škole 72 vučebnaha centra. U spravie Čajkoŭskaha bolš za 16 epizodaŭ. Usie tyčacca pieryjadu lipienia-žniŭnia 2017 hoda, kali jon kamandavaŭ uzvodam padčas navučańnia vadžeńniu samachodnaj artyleryjskaj ustanoŭki. Padziei adbyvalisia na tankadromie № 1.
Pavodle śledstva, Čajkoŭski źbivaŭ padnačalenych
- nahoj pa haloncy;
- sapiornaj łapatkaj pa śpinie;
- małoj sapiornaj łapatkaj pa hałavie;
- mietaličnaj antenaj pa nahach;
- prymusiŭ adciskacca, a potym udaryŭ małoj sapiornaj łapatkaj;
- dvojčy kułakom u hałavu;
- draŭlanaj pałkaj pa nazie i tułavie;
- prymusiŭ prynieści i trymać peŭny čas 2 słupy vahoj pa 25 kiłahramaŭ.
Pra ździek i ŭžyvańnie hvałtu z boku Čajkoŭskaha raspaviali śledčym bolš za dziesiać vajskoŭcaŭ.