Hanna Kanapackaja źviarnułasia ŭ prakuraturu nakont restarana ŭ Kurapatach
Deputatka Pałaty Pradstaŭnikoŭ Hanna Kanapackaja nakiravała zvarot u Hienieralnuju prakuraturu, u jakim prosić pravieści pravierku zakonnaści pierahladu miež zonaŭ achovy historyka-kulturnaj kaštoŭnaści Kurapaty, u vyniku jakoha ŭ niepasrednaj blizkaści ad miescaŭ masavych pachavańniaŭ byŭ pabudavany restaran «Pajedziem, pajadzim».
«Znoŭ abvastryłasia situacyja vakoł Kurapat. Niezrazumieła, navošta i kamu na samaj spravie było treba davodzić jaje da krajnaści, bo i čynoŭniki, i biznesmieny cudoŭna razumieli, jakija strašnyja dziei rabilisia rabotnikami NKVD u hetym miescy», — napisała Kanapackaja na svajoj staroncy ŭ fejsbuku.