«Rasija pavinna hulać sumlenna!» «Miemaryjał» nazvaŭ ličbu palitviaźniaŭ u Rasii pa stanie na pačatak ČS pa futbole
Napiaredadni Čempijanatu śvietu pa futbole ŭ Rasii pravaabarončy centr «Miemaryjał» publikuje śpisy palitviaźniaŭ, u jakim na siońnia 158 palityčnych źniavolenych.
U Rasii startuje Čempijanat śvietu pa futbole FIFA 2018. Zaŭziatary z usiaho śvietu źjazdžajucca ŭ Rasiju, kab atrymać asałodu ad hulni lubimych kamand. Ale pakul jany zapaŭniajuć trybuny stadyjonaŭ, u rasijskich turmach zastajucca sotni palitviaźniaŭ. Heta nie tolki tyja, da čyich losaŭ užo prykavana ŭvaha suśvietnaj hramadskaści, jak, naprykład, ukrainski režysior Aleh Siancoŭ, jaki abviaściŭ u haładoŭku z patrabavańniem vyzvalić usich ukrainskich palitviaźniaŭ, ci viadomy čačenski pravaabaronca, kiraŭnik hroźnienskaha pradstaŭnictva Pravaabarončaha centra «Miemaryjał» Ajub Cicijeŭ, ale i mnohija inšyja niespraviadliva asudžanyja, pra kaho raspavieści śvietu nie mienš važna.
U śpisach imiony 158 čałaviek: 50 ź ich uklučany ŭ ahulny śpis palitviaźniaŭ, 108 - u śpis pazbaŭlenych svabody ŭ suviazi z realizacyjaj prava na svabodu vieravyznańnia.
Hetyja śpisy zaviedama niapoŭnyja: tut pieraličany tolki tyja ludzi, pa spravach jakich nam udałosia sabrać i praanalizavać dastatkova materyjałaŭ, kab zrabić vysnovu pra palityčna matyvavany i niezakonny charaktar ich kryminalnaha pieraśledu.
Za try miesiacy, jakija prajšli z 1 sakavika - momantu publikacyi papiarednich śpisaŭ, kolkaść palitviaźniaŭ vyrasła na 15 čałaviek.
Ahulny śpis palitviaźniaŭ vyras z 46 da 50 čałaviek. Na voli narešcie apynulisia fihurant «spravy 26 sakavika» Dźmitryj Barysaŭ, staŭrapolski žyllovy aktyvist Ivan Barylak i maskoŭski hramadzianski aktyvist Mark Halpieryn. Adnak za toj ža čas śpis papoŭniŭsia imionami hramadzian Ukrainy Alaksandra Šumkova i Mikałaja Dadeu, abvinavačanych u siabroŭstvie ŭ zabaronienym u Rasii «Pravam Siektary», palittechnołaha Piatra Miłasierdava, kałomienskaha aktyvista Valancina Sakałova, prymorskaha aktyvista Dźmitryja Traćciakova, a taksama Ramana Marjana i Viačasłava Šatroŭskaha, abvinavačanych pa spravach ab padziejach 5 listapada 2017 hoda.
Śpis tych, kaho pieraśledujuć u suviazi z realizacyjaj prava na svabodu vieravyznańnia i relihijnaj prynaležnaściu vyras z 97 da 108 čałaviek. Pieravažnaja bolšaść z tych, čyje proźviščy trapili ŭ hety śpis, abvinavačvajucca va ŭdziele ŭ arhanizacyi «Chizb ut-Tachryr al-Isłami», biez usialakich padstaŭ abvieščanaj u Rasiei terarystyčnaj, - heta asudžanyja pa dvuch spravach u Maskvie i Baškartastanie Ajdar Ajdarbiekaŭ, Radzik Imanhułaŭ, Suchrab Ironaŭ, Mirzabachovadzin Kurbonaŭ, Nail Miniachmietaŭ, Akmałčon Numančonaŭ, Maksim Pujhin, Naimdžon Chadžajeŭ, Albiert Šafijeŭ; i abvinavačany pa padobnaj spravie krymskatatarski aktyvist Naryman Miemiedeminaŭ. U hety śpis patrapiŭ adzin śviedka Ijehovy - aryštavany ŭ krasaviku 2018 hoda ufimiec Anatol Vilitkievič. Adnak ahulnaja kolkaść śviedak Ijehovy, uziatych pad vartu, užo składaje 17 čałaviek.