Pjany aŭtamyjnik skraŭ čužuju mašynu i trapiŭ u DTZ
U Minsku aŭtamyjnik skraŭ čužuju mašynu i trapiŭ u DTZ, paviedamlaje HUUS Minharvykankama.
Patrul Zavodskaha adździeła Departamienta achovy MUS vyjaviŭ u kiuviecie Mazda SCH-5. Jany vyśvietlili, što mašyna skradzienaja. Supracoŭniki kryminalnaha vyšuku Zavodskaha RUUS vyśvietlili asobu kiroŭcy. Im akazaŭsia 25-hadovy aŭtamyjnik staličnaj STA. Jak stała viadoma, ŭładalnica pieradała svoj aŭtamabil dla praviadzieńnia chimčystki.
Aŭtamyjnik u stanie ałkaholnaha apjanieńnia vyrašyŭ adpravicca za svajoj siabroŭkaj na aŭtamabili. Jon nie daŭ rady kiravańniu, i mašyna źjechała ŭ kiuviet. Paśla hetaha jon schavaŭsia. Vyśvietliłasia, što chłopiec nie tolki byŭ niećviarozy, ale i kiravaŭ aŭtamabilem biez pravoŭ.
Raspačata kryminalnaja sprava pa č.1 st.214 KK (vykradańnie transpartnaha srodku abo małamiernaha vodnaha sudna). Raniej małady čałaviek da kryminalnaj adkaznaści nie pryciahvaŭsia.