Rasija choča adnavić vypusk ukrainskaha samalota
Uljanaŭski zavod «Avijastar-SP» pačaŭ padrychtoŭku da adnaŭleńnia vytvorčaści samalota An-124 «Rusłan».
Vytvorčaść «Rusłanaŭ» spyniłasia ŭ 2004 hodzie. Ich źbirali na «Avijastary» i na ŭkrainskim zavodzie «Antonaŭ». Usiaho vypuścili 55 samalotaŭ An-124. Nieadnarazova rabilisia sproby adnaŭleńnia vytvorčaści.
U pres-słužbie PAT «Ił» (kirujučaja kampanija «Avijastar-SP») admovilisia kamientavać pytańnie ab supracoŭnictvie z HP «Antonaŭ» pa fakcie adnaŭleńnia vytvorčaści AN-124 «Rusłan». «Na žal, pakul nijakich kamientaroŭ pa hetaj temie my nie dajem», — paviedamili RBK ŭ pres-słužbie.
Vyrab samalotaŭ An-124 biez udziełu ŭkrainskaha dziaržpradpryjemstva niemahčyma, zajaŭlali ŭ adkaz u «Antonavie». «Tolki raspracoŭščyk samalota «Antonaŭ» vałodaje ŭsimi techničnymi viedami i nieabchodnaj infarmacyjaj pra kanstrukcyju, ułaścivaści, resursy, terminy słužby i lotnuju prydatnaść samalotaŭ An-124-100, u tym liku danyja vyprabavańniaŭ i analizaŭ, nieabchodnych dla zachavańnia cełasnaści kanstrukcyi», — patłumačyli ŭ pres-słužbie pradpryjemstva.