Rasijskija armianie prykinulisia arhiencincami, kab schilić da seksu turystku z Kitaja
Pa słovach «zamiežnika», dziaŭčyna «zastałasia zadavolenaja i dała 30 dalaraŭ na kańjak».
Mužčyny, jakija źniali na videa seks z turystkaj z Kitaja, vydavali siabie za arhiencincaŭ, ale havaryli pa-armiansku. Pra heta paviedamlaje Life.
Raniej žančyna źviarnułasia ŭ palicyju sa skarhaj na videa, źniataha jaje partniorami. Jana raspaviała pravaachoŭnikam, što paznajomiłasia z dvuma mužčynami padčas prahułki pa Maskvie, paśla jany adpravilisia ŭ hatel i zanialisia seksam. Kitajancy nie spadabałasia, što adzin z mužčyn zdymaŭ praces na videa.
Pavodle źviestak Life, palicyja adšukała «arhiencincaŭ». Adnym ź ich byŭ uradženiec Piacihorska «z armianskimi karaniami». Pavodle jaho słoŭ, z-za ciažkaściej pierakładu jon nie zrazumieŭ prośbu kitajanki vydalić videa.
Mužčyna śćviardžaje, što žančyna była ŭsim zadavolenaja i navat pakinuła jamu 30 dalaraŭ na vypiŭku. Jon pahadziŭsia supracoŭničać z pravaachoŭnikami.