Dziesiacikłaśnikam dadali 6 hadzin «Pracoŭnaha navučańnia» na tydzień
Ministerstva adukacyi zaćvierdziła navučalny płan na 2018/2019 navučalny hod. U 10-ch kłasach škoł dadaduć šeść hadzin «Pracoŭnaha navučańnia» ŭ tydzień, kolkaść urokaŭ zamiežnaj u himnazijach nie skarocicca.
U kamientary da navučalnaha płana viedamstva adznačaje: u novym navučalnym hodzie va ŭsich kłasach budzie adnolkavaja kolkaść hadzin ruskaj i biełaruskaj movy.
U 5-7-ch kłasach kłasach himnazij zastajecca 5 urokaŭ zamiežnaj movy (5 hadzin). U škoł, jak i abiacali pry admienie ekzamienaŭ u himnazii, źjaŭlajecca mahčymaść dadavać jašče dźvie hadziny zamiežnaj da standartnych troch urokaŭ. U 8-m kłasie i himnazii, i škoły taksama mohuć pravodzić 5 urokaŭ zamiežnaj.
Akramia taho, u 8-m kłasie vučni i himnazii, i škoły, adznačaje Minadukacyi ŭ kamientary, mohuć taksama vyvučać na pavyšanym uzroŭni i luby inšy navučalny pradmiet abo niekalki vučebnych pradmietaŭ. Kolkaść hadzin na ich vyvučeńnie «vyznačajecca kiraŭnikom ustanovy, zychodziačy z kadravaha zabieśpiačeńnia, stanu vučebna-materyjalnaj bazy, pažadańniaŭ vučniaŭ i ich zakonnych pradstaŭnikoŭ».
Ale samaje, badaj, prykmietnaja navina ŭ novym navučalnym hodzie — «Pracoŭnaje navučańnie» ŭ 10-m kłasie škoł — raniej «praca» zakančvałasia ŭ 9 kłasie.
Pa sutnaści, u škoły viartajuć NVK - u 2018/2019 navučalnym hodzie dziesiacikłaśnikaŭ čakaje 6 (!) hadzin «Pracoŭnaha navučańnia» u tydzień. «Z 1 vieraśnia ŭ ramkach dadzienaha vučebnaha pradmieta navučency X kłasaŭ buduć atrymlivać prafiesijnyja navyki, asvojvajučy adukacyjnuju prahramu prafiesijnaj padrychtoŭki rabočych (słužačych)», - havorycca ŭ kamientary Minadukacyi.
U himnazijach u dziesiacikłaśnikaŭ «Pracoŭnaha navučańnia» nie budzie.