U MZS raspaviali, čamu pieramovy pra spraščeńnie vizavych pracedur ź ES zaciahnulisia
Biełaruś praciahnie pracu z partniorami ź ES dla spraščeńnia ŭzajemnych pajezdak. Pra heta paviedamiŭ žurnalistam načalnik upraŭleńnia infarmacyi i ličbavaj dypłamatyi — pres-sakratar MZS Biełarusi Anatol Hłaz.
Jak adznačyŭ Anatol Hłaz, Biełaruś nie pieršy hod viadzie pracu pa zaklučeńni pahadnieńnia pra spraščeńnie vizavych pracedur ź ES. Prajektam hetaha dakumienta praduhledžvajecca źnižeńnie koštu šenhienskich viz da 35 jeŭra, vydača biaspłatnych viz asobnym katehoryjam hramadzian (udzielnikam kulturnych, navukovych, humanitarnych prahram), ahułam sproščany paradak padačy dakumientaŭ. Adnak, pavodle słoŭ Anatola Hłaza, pieramoŭny praces sapraŭdy zaciahnuŭsia.
«Našy partniory vykazali šerah patrabavańniaŭ, jakich niama ŭ anałahičnych pahadnieńniach ES, naprykład, z Armienijaj abo Azierbajdžanam. U pryvatnaści, pra nieabchodnaść padačy dakumientaŭ vyklučna praź vizavyja centry, što, viadoma, pryviadzie da padaražańnia vizavych pracedur», — skazaŭ jon.