«Zenit» zhulaŭ znoŭ uničyju
«Juventus» vyjhraŭ u haściach, a «Reał» siońnia naviedaje Krainu Baskaŭ.
U sieradu ŭ Eŭropie prajšli tury nacyjanalnych čempijanataŭ.
U čempijanacie Rasiei byli zhulanyja dva prapuščanyja matčy raniejšych turaŭ. U adnym ź ich picierski «Zenit» zhulaŭ na svaim poli ŭničyju z «Saturnam» — 2:2. Heta ŭžo čaćviertaja zapar ničyja «hazpromaŭcaŭ»
Pa miačy na svoj rachunak zapisali Viktar Fajzulin žy turecki lehijanier Facich Tekie. Akurat turak i zabiŭ BATE 21 kastryčnika.
Za čatyry tury da finišu «Zenit» zajmaje ŭ turnirnaj tablicy piaty radok (40 bałaŭ). Stolki ž u maskoŭskaha «Spartaka», što zajmaje šostaje miesca.
Pieršym idzie «Rubin» (57 bałaŭ), u CSKA — 50, maskoŭskaha «Dynama» — 44, «Amkara» — 41.
1 listapada — za čatyry dni da hulni z BATE — «Zenit» zhulaje ŭ Pieciarburhu z «Chimkami»,jakija zaraz zajmajuć 14‑ie miesca i praciahvajuć zmahacca za prava zachavać miesca ŭ rasiejskaj premjer‑lizie.
***
Pavał Niedvied, hieroj matču ŭ Bałońji, fota juventus.com |
Turynski «Juventus» učora vyjhraŭ u haściach u «Bałońji» ź likam 2:1. Dvojčy vyznačyŭsia česki paŭabaronca Pavał Niedvied.
Paśla dzieviaci turaŭ «Juve» zajmaje dziaviaty radok z 15 punktami (čatyry pieramohi, try ničyi, dźvie parazy, roźnica miačoŭ 9 ‑‑7). Stolki ž — 15 bałaŭ — u sicylijskaj «Katańji».
Uviersie raźmiaścilisia: «Udyneze», «Napali» — pa 20, «Milan» — 19, «Inter» — 18, «Fijarencina» — 17, «Łacyjo», «Dženoa» — pa 16.
1 listapada «Staraja Seńjora» zhulaje doma z «Romaj».Matč «Roma» — «Sampdoryja» byŭ učora spynieny na 6-j chvilinie z‑za mocnaj zalevy i pieraniesieny na niavyznačany čas.
***
Madrydzki «Reał» — jašče adzin supiernik BATE — siońnia praviadzie ŭ haściach matč Kubku Hišpanii z klubam «Reał Unijon» z Krainy Baskaŭ. «Reał Unijon» zajmaje pieršy radok u 1‑j hrupy «Sehundy B» — heta kamanda treciaha dyvizijonu hišpanskaha futbołu.