Što rabić z restaranam u Kurapatach? Čytačy «NN»: Znosić
Kala 2500 čytačoŭ sajta «Našaj Nivy» ŭžo vykazali svajo mierkavańnie što da budučyni restarana ŭ Kurapatach.
Apytańnie prapanoŭvała try varyjanty, abmalavanyja haspadaram restarana «Pajedziem pajadzim» Leanidam Zajdesam padčas sustrečy z kiraŭnictvam Partyi BNF, a taksama «krajnija» idei — źnieści restaran ci prosta pakinuć jaho ŭ spakoi.
Čytajcie: Haspadar skandalnaha restarana ŭ Kurapatach — 54-hadovy biznesmien Leanid Zajdes
Samy papularny varyjant pakul — «Nijakich kampramisaŭ, niachaj zności». Jaho padtrymali 29% apytanych.
Admietna, što krajnie niehatyŭna da restarana ŭ Kurapatach staviacca i aŭdytoryja inšych biełaruskich ŚMI.
Naprykład, pad hutarkaj ź Leanidam Zajdesam na partale Tut.baj samy załajkany kamientar vyhladaje nastupnym čynam: «Pryčym tut zachad, heta ž nakolki samomu treba nie być čałaviekam, kab bal na mohiłkach ładzić».