Brazilskaja žurnalistka ŭchiliłasia ad haračaha rasijskaha fanata i adčytała jaho VIDEA
Brazilskaja žurnalistka Džulija Himaraješ uchiliłasia ad pacałunku rasijskaha zaŭziatara i pračytała jamu natacyju pra pavahu da žančyn.
Karespandentka TV Globo i SporTV Himaraješ zapisvała repartaž pierad matčam pamiž zbornymi Japonii i Sieniehała, jaki prachodziŭ u Jekaciarynburhu 25 červienia. Kali dziaŭčyna była ŭ kadry, da jaje padbieh adzin z futbolnych zaŭziataraŭ. Mužčyna pasprabavaŭ pacałavać dziaŭčynu ŭ ščaku.
Adnak Himaraješ zdoleła ŭchilicca ad prajaŭleńnia pačućciaŭ fanata. Paśla niaŭdačy jon adbieh. Naŭzdahon dziaŭčyna pračytała jamu natacyju pra pavahu da žančyn. «Nie rabicie hetaha. Nikoli bolš tak nie rabicie, dobra?» — skazała jana. «Darujcie, darujcie, okiej», — adkazaŭ prysaromleny zaŭziatar.
Žurnalistka zajaviła, što nie dazvalała minaku pavodzić siabie padobnym čynam. «Heta niavietliva. Heta niapravilna», — kazała jana. Impravizavanuju lekcyju pra praviły dobraha tonu jana zaviaršyła zaklikam da pavahi.
Paźniej reparcior zajaviła, što heta ŭžo druhi napad fanata, jaki jana pieražyvaje padčas kamandziroŭki ŭ Rasiju dla aśviatleńnia mundyjala.
Kali sočycie za čempijanatam śvietu pa futbole, raim vam zrabić staŭku ŭ Bukmiekierskaj kantory Marafon!