Zakuplenyja Azierbajdžanam biełaruskija «Pałaniezy» pakazali na vajskovym paradzie ŭ Baku
Na paradzie 26 červienia ŭ Baku prademanstravali reaktyŭnyja sistemy załpavaha ahniu «Pałaniez» biełaruskaj vytvorčaści. Jak adznačajuć miascovyja ŚMI, ad hetaha hoda rakietnyja sistemy pryniatyja na ŭzbrajeńnie azierbajdžanskaj armijaj, piša Radyjo Svaboda.
Raniej Ministerstva abarony Biełarusi paviedamlała, što, zhodna z kantraktam, u 2018 hodzie Azerbajdžan nabudzie 10 poŭnych kamplektaŭ reaktyŭnych sistemaŭ załpavaha ahniu «Pałaniez», u jaki ŭvachodziać transpartna-zaradžalnyja mašyny, punkt kiravańnia, radyjołakacyjnyja stancyi i ŭłasna rakiety.
Ułady Armienii ŭžo zajavili, što ździełka Biełarusi z Azierbajdžanam pahražaje stabilnaści ŭ rehijonie. Maksimalnaja dalnaść paražeńnia celi «Pałaniezaŭ» składaje 300 kiłamietraŭ. A heta značyć, terytoryja Nahornaha Karabacha, prava na jaki bolš za čverć stahodździa asprečvajuć Baku i Jerevan, robicca patencyjnaj mišeńniu.