Prezident Polščy Andžej Duda nie pryjedzie ŭ Traścianiec 29 červienia
Na 29 červienia zapłanavanaje adkryćcio miemaryjała achviaram nacyzmu ŭ vioscy Traścianiec pad Minskam. Čakałasia, što žałobnuju cyrymoniju naviedajuć prezydenty Aŭstryi, Niamieččyny, Izrailu, Polščy, Čechii, paviedamlaje Radyjo Svaboda.
U pres-słužbie prezidenta Polščy paviedamili, što ŭsie płany Andžeja Dudy da kanca tydnia ŭžo apublikavanyja na sajcie Kancylaryi prezidenta. U kalendary na sajcie Dudy paznačana, što 28-ha červienia jon budzie znachodzicca ź vizytam u Łatvii, 29 červienia padziejaŭ, u jakich jon prymie ŭdzieł, niama. Chto pradstavić Polšču na ŭračystaści, budzie abvieščana zaŭtra.
U pres-słužbie Rejlena Ryŭlina paraili napisać piśmovy zvarot i paraili pačakać adkazu ciaham adnaho-dvuch dzion.
U Minskim mižnarodnym adukacyjnym centry jašče 8 červienia paćvierdzili ŭ cyrymonii dziejnaha aŭstryjskaha prezidenta Alaksandra Van der Belena i byłoha prezidenta Chajnca Fišara — svajaki jahonaj žonki zahinuli mienavita ŭ Traściancy.
Što tyčycca pryjezdu niamieckaha prezidenta Franka-Valtera Štajnmajera, jašče raniej praz dypłamatyčnyja kanały była ŭzhodnienaja data 29 červienia, čakajecca kančatkovaje paćvierdžańnie.