Tramp adkazaŭ na pytańnie ab pryznańni Kryma rasijskim frazaj «posmotrim»
Prezident ZŠA Donald Tramp, vystupajučy pierad žurnalistami na borcie numar adzin pa šlachu ŭ Ńju-Džersi, paćvierdziŭ svoj punkt hledžańnia nakont taho, što ŭ situacyi z Krymam, na jaho dumku, vinavaty jaho papiarednik, były kiraŭnik Złučanych Štataŭ Barak Abama, pieradaje Politico. Mienavita jon, jak upeŭnieny Tramp «straciŭ Krym» — jašče adzin stratehičny paŭvostraŭ.
«Prezident Abama dapuściŭ heta», — padkreśliŭ ciapierašni amierykanski lidar.
Pry hetym u adkaz na pytańnie, ci pryznajuć ZŠA Krym častkaj Rasii, Tramp skazaŭ: «posmotrim». Amal anałahičnym čynam, jak pakazvaje vydańnie The Globe and Mail, palityk adreahavaŭ na pytańnie ab praciahu Vašynhtonam sankcyj suprać rasijskich kampanij, biznesmienaŭ i čynoŭnikaŭ. «My pahladzim na dziejańni Rasii», — zajaviŭ Tramp.