Vajnštejnu pahražaje pažyćciovy termin. Jaho abvinavacili jašče pa troch artykułach
Suprać halivudskaha kinamahnata Charvi Vajnštejna vystavili abvinavačańni jašče pa troch artykułach. Raniej pradziusaru ŭžo pradjavili abvinavačvańni pa dvuch epizodach zhvałtavańnia. Vajnštejnu pahražaje pažyćciovy termin.
U paniadziełak prakuratura Manchetena zajaviła, što kinamahnat abvinavačvajecca jašče pa adnym epizodzie zhvałtavańnia, a taksama pa dvuch epizodach seksualnaha napadu. Heta adzin z samych surjoznych artykułaŭ u kryminalnym kodeksie štata Ńju-Jork, jon praduhledžvaje pakarańnie ad 10 hadoŭ da pažyćciovaha źniavoleńnia.
Abvinavačvańni vystaviła novaja mierkavanaja achviara Vajnštejna. Raniej ab treciaj žančynie, jakaja padała na pradziusara ŭ sud, viadoma nie było. Viadoma, što havorka idzie pra incydent, jaki adbyŭsia ŭ 2006 hodzie. Žančyna śćviardžaje, što Vajnštejn vymusiŭ jaje zaniacca ź im aralnym seksam.
Vajnštejn abviarhaje abvinavačvańni ŭ damahańniach, zhvałtavańniach i inšych hvałtoŭnych dziejańniach.