U Viciebsku znajšli źnikłych padletkaŭ. Uciačy jany damovilisia praź internet
U Viciebsku znajšli źnikłych padletkaŭ, paviedamlaje UUS Viciebskaha abłvykankama.
Padletki byli znojdzienyja načalnikam inśpiekcyi pa spravach niepaŭnaletnich AUS Viciebskaha rajvykankama ŭ piasočnicy kala doma ŭ Čyhunačnym rajonie Viciebska, u adnoj z kvater jakoha ŭvieś čas paśla ŭciokaŭ jany pražyvali. Kvatera naležała znajomamu 14-hadovaha chłopčyka.
Chłopiec pajšoŭ z doma praz roznahałośsi z baćkami, a dziaŭčyncy nie spadabałasia ŭ łahiery. Jany źviazalisia ŭ internecie i damovilisia źbiehčy. U najbližejšy čas padletak budzie pieradadzieny baćkam u Navapołack, a jaho 13-hadovaja siabroŭka ź dziciačaha doma Viciebska zakonnym pradstaŭnikam.
Raniej paviedamlałasia, što 1 lipienia kala 20.30 z łahiera syšła 13-hadovaja vychavanka dziciačaha doma Viciebska. Taksama ŭ hety dzień prapaŭ padletak z Navapołacku. Jon skazaŭ maci, što adpraŭlajecca za pakupkami ŭ kramu i damoŭ nie viarnuŭsia.