U Smarhoni dziaŭčyna vykłała ŭ sieciva intymnyja fota siabroŭki i atrymała hod źniavoleńnia
Dziaŭčyna sa Smarhoni, pakryŭdziŭšysia na siabroŭku, vykłała ŭ sietku jaje intymnyja fatahrafii sa skrynšotami dyjałohaŭ, kamientaroŭ i atrymała za heta termin.
Sud Smarhonskaha rajona 27 červienia prysudziŭ da 1 hoda pazbaŭleńnia voli z adterminoŭkaj vykanańnia pakarańnia na 1 hod. U hety čas abvinavačanaja abaviazanaja nie pakidać miesca žycharstva i dvojčy na miesiac adznačacca ŭ milicyi.
— Dziaŭčaty — siabroŭki i ravieśnicy. Paciarpiełaja pryjšła ŭ hości da abvinavačanaj i zastałasia načavać. U hości razradziŭsia akumulatar mabilnaha telefona, i jana paprasiła siabroŭku pazyčyć svaju mabiłu, kab pasiadzieć u sacyjalnych sietkach. Pakarystałasia jaje telefonam, ale, viartajučy jaho, zabyłasia vyjści z svajho akaŭnta ŭ sacsietcy. A ranicaj pajšła dadomu, — raspavioŭ kraj. by pamočnik prakurora Smarhonskaha rajona Daniła Taryma.
Pa słovach Daniły Taryma, kali abvinavačanaja ŭbačyła adkrytuju staronku svajoj siabroŭki, joj stała cikava, pra što jana tam piša. Dziaŭčyna ŭbačyła niepryjemnuju infarmacyju pra siabie. Joj stała kryŭdna, i jana vyrašyła adpomścić.
Zrabiła skrynšoty dyjałohaŭ i kamientaroŭ, spampavała intymnyja fatahrafii siabroŭki. Potym u hetaj ža sacsietcy stvaryła fejkavuju staronku i ź jaje dapamohaj stała adpraŭlać siabram i znajomym kampramat na siabroŭku.
Paciarpiełaja daviedałasia pra siabie šmat cikavaha ad siabroŭ, jakija atrymali hetuju infarmacyju. Jana napisała zajavu ŭ milicyju.