Pasoł Biełarusi ŭ Rasii: Pytańnie pra ŭvachodžańnie našaj krainy ŭ skład inšaj dziaržavy nie staić
Havorki pra ŭvachodžańnie Biełarusi ŭ skład inšaj dziaržavy siońnia nie idzie. Pasoł Biełarusi ŭ Rasii Ihar Pietryšenka prakamientavaŭ RBK vykazvańnie biełaruskaha prezidenta ab tym, što z-za pravałaŭ u APK kraina moža stracić niezaležnaść.
Ihar Pietryšenka.
«Hetaja fraza była skazana dla kancentracyi namahańniaŭ i mabilizacyi našych ŭsich hramadzian, kožnaha na svaim miescy, kab jany jakasna, u termin, z vysokim uzroŭniem vytvorčaj dyscypliny vykonvali tyja zadačy (pastaŭlenyja prezidentam. — zaŭv. TUT.BY)», — rastłumačyŭ Pietryšenka, adkazvajučy na pytańnie viadučaj telekanała RBK pra ŭvachodžańnie ŭ skład jakoj dziaržavy moža iści havorka.
Takim čynam, paŭtaryŭ jašče raz pasoł, siońnia navat havorki nie idzie pra toje, što Biełaruś uvojdzie ŭ skład jakoj-niebudź dziaržavy.
Zajava prezidenta, nahadajem, prahučała 22 červienia na naradzie ŭ Škłoŭskim rajonie.