Sudziać doktara, jaki niaŭdała prakałoŭ pacyjentu vienu. Toj pamior ad straty kryvi
Sud Haradockaha rajona razhladaje kryminalnuju spravu ŭ dačynieńni da 36-hadovaha doktara aniestezijołaha-reanimatołaha. Jaho abvinavačvajuć u nienaležnym vykanańni miedycynskim rabotnikam prafiesijnych abaviazkaŭ, što paciahnuła pa nieaściarožnaści śmierć pacyjenta, piša Tut.by.
Doktar, robiačy punkcyju i kateteryzacyju pravaj padklučyčnaj vieny, prakałoŭ vastryjom ihołki druhuju — procilehłuju, ścienku hetaj vieny, a taksama pryścienačnuju pleŭru.
— Masiŭnaja strata kryvi pryviała da spynieńnia serca i śmierci pacyjenta, — paviedamiła aficyjny pradstaŭnik Viciebskaha abłasnoha suda Natalla Płatonienka.
U apošni čas u Biełarusi davoli časta prachodziać pracesy ŭ dačynieńni da miedycynskich rabotnikaŭ.
4 lipienia ŭ Pinsku abviaścili prysud pa abvinavačvańni zahadčyka adździaleńnia adnoj z balnic horada ŭ nienaležnym vykanańni abaviazkaŭ, u vyniku čaho dvuchhadovy pacyjent atrymaŭ apioki. Doktar atrymaŭ štraf — 980 rubloŭ.