U Pałacy Respubliki z anšłaham adkrylisia Dni kultury Ukrainy. Ministr kultury Biełarusi nie zdoleŭ pračytać z papierki słova «ŭražańni»
Anšłah byŭ u vialikaj zale Pałaca Respubliki 5 lipienia. Tam adkryvalisia Dni kultury Ukrainy ŭ Biełarusi.
Avacyi sarvaŭ vystup ansambla tanca imia Virskaha, jaki adkryvaŭ prahramu.
Ansambl imia Virskaha na scenie ŭ Minsku.
Publika taksama zachoplena vitała vystup kvarteta «Hieťman» Nacyjanalnaj hvardyi Ukrainy, što praśpiavaŭ sučasnyja interpretacyi narodnych piesień.
Vialikaja zała była zapoŭnienaja całkam, na ŭvachodzie pytalisia «lišniaha bilecika».
Cikava, što na taki «paradny kancert» pryvieźli nie tolki ŭłasna ŭkrainskich tvorcaŭ. Byli i artysty, jakija reprezientujuć tradycyi inšych narodaŭ Ukrainy. Kałarytny cyhanska-ŭkrainski dens Luiku pryjechaŭ z Zakarpaćcia. Była i śpiavačka krymskaja tatarka.
Na dziva, minskaja publika čakała, viedała i navat padpiavała ŭkrainskuju papsu. Vystupili Cina Karal, Złata Ahnievič, Iva Bobuł, Aleh Vińnik. «Nino!!!» — kryčali apošniamu žančyny z zały. I jon vykanaŭ svaju «Nino».
Cina Karal na minskaj scenie.
Łyžkaj dziohciu byŭ vystup ministra kultury Biełarusi Bondara.
Jon začytaŭ svajo vitalnaje słova z papierki, dyk mała taho: niekatoryja słovy navat vymavić pravilna nie moh. Zamiest «uražańni» pračytaŭ «uradžańni»… Zrešty, tysiačy minčukoŭ sabralisia tam nie dziela ministra.