Kanapackaja nie budzie bałatavacca ŭ staršyni AHP
Deputat Pałaty pradstaŭnikoŭ Hanna Kanapackaja zdymaje svaju kandydaturu na pasadu staršyni Abjadnanaj hramadzianskaj partyi, vybary jakoha adbuducca na źjeździe partyi 8 lipienia. Pra heta jana paviedamiła na svajoj staroncy ŭ fejsbuku.
Pra namier bałatavacca ŭ staršyni AHP jana abviaściła paŭhoda tamu.
«Na paradku dnia našaj partyi pavinna stajać sistemnaja, strukturnaja pierazahruzka. Dla jaje ažyćciaŭleńnia patrabujecca štodzionnaja karpatlivaja praca na praciahu niekalkich hadoŭ. Sumiaščeńnie deputackaj pracy ŭ Pałacie pradstaŭnikoŭ z realizacyjaj majoj abnoŭlenaj prahramy reformaŭ AHP nie ŭjaŭlajecca mahčymym.
Taksama mnoju pryniata rašeńnie skancentravać maksimum namahańniaŭ na padrychtoŭcy da parłamienckich i prezidenckich vybaraŭ, jakija projduć u 2019 i 2020 hh.», — napisała Kanapackaja.
Źjezd AHP projdzie ŭ niadzielu, 8 lipienia. Pra namier bałatavacca zajavili Anatol Labiedźka, Vasil Palakoŭ i Mikałaj Kazłoŭ.