Mužčyna prapiŭ 100 rubloŭ kalehi, a moža sieści na try hady
Jak raspaviadaje minskaja milicyja, kaleha pieradaŭ 45-hadovamu minčuku na zachoŭvańnie 700 rubloŭ.
Kali mužčyna atrymaŭ hetyja hrošy, na nastupny dzień na pracu nie vyjšaŭ. Znajšoŭsia jon tolki praz tydzień, ale ŭžo z 600 rublami. Jak patłumačyŭ mužčyna, hrošy jon patraciŭ na patreby firmy, bo jeździŭ na pieramovy na taksi. Adnak u chodzie raźbiralnictva vyśvietliłasia, što hetyja hrošy jon patraciŭ na ałkaholnyja napoi.
- U dačynieńni da minčuka zaviedziena kryminalnaja sprava pa č.1 art.205 ( «Kradziež»), što pahražaje abo abmiežavańniem voli, abo pazbaŭleńniem voli na termin da troch hadoŭ.