Siem pratakołaŭ: DAI aštrafavała bajkierku-tancorku
Fota Vadzima Zamiroŭskaha.
Matacyklistku Darju, jakaja pakazvaje akrabatyčnyja truki prosta padčas ruchu, vyklikali ŭ DAI Minska i aštrafavali. Pra heta auto.tut.by raspaviała sama dziaŭčyna.
Apublikavanaje ŭ internecie videa nie zastałosia pa-za ŭvahaj inśpiektaraŭ. Dziaŭčynie adrazu patelefanavali z DAI Minska i vyklikali da načalnika, dzie jana paćvierdziła svaje fakty parušeńnia PDR, źniatyja na videa.
— Načalnik DAI vielmi surjozna sa mnoj pahavaryŭ, spakojna i dachodliva patłumačyŭ situacyju i nastupstvy, — raspaviała Darja.
U vyniku na dziaŭčynu skłali siem administracyjnych pratakołaŭ. Sumu štrafaŭ, jakija joj daviadziecca apłacić, Darja raskryvać nie zachacieła.
- Biezumoŭna, zaraz ja budu aściarožniej siabie pavodzić. Pryhod i ŭvahi mnie bolš čym chapiła, dyj daroha nie miesca dla ich…