Ci možna ŭ Biełarusi ŭsynavić dzicia, kali vy nie ŭ stasunkach?
Što rabić, kali adzinokaja žančyna abo mužčyna pryniali rašeńnie vychoŭvać dzicia samastojna? Tłumačyć jurystka Alena Kaharlickaja.
«Biełaruskaje zakanadaŭstva praduhledžvaje mahčymaść usynaŭlać dziaciej dziejazdolnymi asobami, jakija znachodziacca ŭ šlubie, tak i adzinokimi asobami abodvuch pałoŭ», — kaža jana.
To bok, kali vy žyviacie adzin, to vy śmieła možacie ŭsynaŭlać dzicia pry vykanańni nastupnych patrabavańniaŭ.
Adzinoki čałaviek moža ŭsynavić dzicia, kali jon:
- nie chvory na chraničny ałkahalizm, narkamaniju, taksikamaniju;
- nie pazbaŭleny baćkoŭskich pravoŭ;
- nie źjaŭlajecca byłym usynavicielem, kali ŭsynaŭleńnie było admieniena praź nienaležnaje vykanańnie ŭsynavicielem svaich abaviazkaŭ;
- nie źjaŭlajecca asobaj, adchilenaj ad abaviazkaŭ apiekuna abo papiačyciela za nienaležnaje vykanańnie ŭskładzienych na jaho abaviazkaŭ;
- nie maje sudzimaść za naŭmysnyja złačynstvy, a taksama nie asudžaŭsia za naŭmysnyja ciažkija abo asabliva ciažkija złačynstvy suprać čałavieka;
- nie źjaŭlajecca asobaj, dzieci jakoha byli pryznanyja tymi, chto maje patrebu ŭ dziaržaŭnaj abaronie ŭ suviazi ź nievykanańniem abo nienaležnym vykanańniem hetymi asobami svaich abaviazkaŭ pa vychavańni i ŭtrymańni dziaciej;
- maje pastajannaje miesca žycharstva, a taksama žyłoje pamiaškańnie, jakoje adpaviadaje vyzačanym sanitarnym i techničnym patrabavańniam;
- na momant usynaŭleńnia maje prybytak, jaki zabiaśpiečvaje dzicia pražytačnym minimumam.
Akramia nazvanych patrabavańniaŭ, taksama prymajecca pad uvahu ŭzrost usynaviciela.
Roźnica va ŭzroście pamiž usynavicielem i dziciom pavinna składać ad 16 da 45 hadoŭ.
Vyklučeńnie moža być zroblena sudom tolki pa pryčynie, pryznanaj uvažlivaj: kali dzicia pryviazanaje da asoby, jakaja žadaje jaho ŭsynavić, ličyć jaho svaim baćkam ci maci.
U tym vypadku, kali na ŭsynaŭleńnie adnaho i taho ž dziciaci pretendujuć asoby, jakija nie znachodziacca pamiž saboj u šlubie, to im admoviać na sumiesnaje ŭsynaŭleńnie takoha dziciaci.
«Paŭtarusia, što zhodna z zakanadaŭstvam, usynavicielem moža być jak adzinokaja žančyna, tak i adzinoki mužčyna. Adnak na praktycy da adzinokich usynavicielaŭ-mužčyn orhany apieki staviacca vielmi naściarožana, staranna vyvučajuć matyvy ŭsynaŭleńnia i abstanoŭku ŭ domie kandydata va ŭsynavicieli», — kaža juryst.
Adzinokamu mužčynie daviadziecca čymści tłumačyć svaju luboŭ da dziaciej i dakazvać, što jon zmoža dać rady baćkoŭskim abaviazkam nie horš za žančynu.
Zhodna z Pałažeńniem ab paradku pieradačy dziaciej na ŭsynaŭleńnie, kandydaty va ŭsynavicieli mohuć atrymać infarmacyju ab pracedury ŭsynaŭleńnia i pieraliku dakumientaŭ, nieabchodnych dla ŭsynaŭleńnia ŭ adździele adukacyi pa miescy svajho žycharstva abo ŭ Nacyjanalnym centry ŭsynaŭleńnia (h. Minsk, vuł. Płatonava, 22).
Padrabiaznaja paśladoŭnaść dziejańniaŭ pa ŭsynaŭleńniu dziciaci vykładziena na sajcie Nacyjanalnaha centra ŭsynaŭleńnia Ministerstva adukacyi Biełaruś.