U Homieli vynieśli prysud bandzie «čornych ryełtaraŭ»
Banda dziejničała z 2010 pa 2015 hod. Kiraŭnik złačyncaŭ prydumaŭ niekalki schiem. Ašukancy albo šukali kvatery, haspadary jakich pamierli i nie pakinuli žyllo ŭ spadčynu, abo «kidali» uładalnikaŭ kvater, jakija mieli prablemy z ałkaholem, nie pracavali i nie płacili «kamunałku».
Złačyncy prapanoŭvali pradać žyllo i kupić mienšaje i tańniejšaje, a ŭ vyniku haspadary akazvalisia na vulicy.
U vypadku z kvaterami biez haspadaroŭ u chod išli padroblenyja dakumienty. Afarmlałasia spadčyna na padstaŭnych asob. Zatym niezakonna ŭspadkavanaje žyllo pryvatyzavałasia i pradavałasia.
Sud prysudziŭ kiraŭnika bandy da 10 hadoŭ pazbaŭleńnia voli ŭ kałonii strohaha režymu. Jaho zmoŭščyk praviadzie piać hadoŭ u hetaj ža ustanovie, a chaŭruśnica — šeść hadoŭ u kałonii ahulnaha režymu.