Ułady Łatvii stvorać partał dla pravierki fejkavych navin
Płanujecca ŭ najbližejšy čas stvaryć internet-partał, dzie luby žychar Łatvii zmoža pravieryć dakładnaść publična raspaŭsiudžanych navin, paviedamiŭ siońnia ministr unutranych spraŭ Łatvii Rychard Kazłoŭskis.
Žycharam nie varta vieryć usiamu, što jany čytajuć u internecie, lepš šukać infarmacyju ŭ aficyjna zarehistravanych ŚMI abo dziaržaŭnych strukturach, padkreśliŭ jon. Sapraŭdnaść mnohich navin možna chutka pravieryć, prosta patelefanavaŭšy ŭ apieratyŭnyja słužby.
Na pytańnie, ci adsočvajecca ŭ pieradvybarčy pieryjad u krainie raspaŭsiudžvańnie ŭsich iłžyvych navin, Kazłoŭskis adkazaŭ: «My pracujem u hetym kirunku, stvorany kaardynujučy miechanizm. Ja vielmi spadziajusia, što my zdolejem stvaryć adziny partał, dzie luby žychar Łatvii zmoža vyśvietlić sapraŭdnaść infarmacyi».