Hienprakuratura pra «Pajedziem, pajadzim»: Hučny adpačynak zabaronieny z uschodniaha boku
relax.by
Hienieralnaja prakuratura adkazała na zapyt błohiera Antona Matolki nakont zakonnaści pabudovy i dziejnaści restaracyi «Pojediem pojedim» pobač z memaryjałam na miescy rasstrełaŭ u Kurapatach, piša Radyjo Svaboda.
Siarod inšaha ŭ adkazie paviedamlajecca, što novy prajekt zonaŭ achovy ŭročyšča zaćvierdžany pastanovaj Ministerstva kultury 1 śniežnia 2014 hodu. Adpaviedna ź im, šyrynia achoŭnaj zony z paŭnočnaha zachadu memaryjału źmienšanaja sa 120 da 50 metraŭ, u źviazku z čym «abjekt prydarožnaha servisu» raźmieščany pa-za jaje miažami. Prajektnaje rašeńnie, śćviardžaje Hienprakuratura, abhruntavana vynikami analizu landšaftu i raźvićcia terytoryi historyka-kulturnaj kaštoŭnaści.
Hieprakuratura taksama infarmuje, što prajektam detalovaha planavańnia ziamielny nadzieł, na jakim raźmieščany kompleks abjektaŭ «Biełrestinvest», maje «abciažarvańni» ŭ vykarystańni.
Z uschodniaha boku restaracyi [dzie znachodzicca adkrytaja terasa sa stolikami i scenaj, batuty] vyklučajucca ŭsie vidy «hučnych mierapryjemstvaŭ» i arhanizacyi adpačynku na adkrytym pavietry. Abmiežavańnie tłumačycca nieabchodnaściu vyklučyć parušeńni «sakralnaha charaktaru» da historyka-kulturnaj kaštoŭnaści, jakaja «prymykaje» z uschodniaha boku.