Robataŭ-tarakanaŭ rychtujuć dla ahladu ruchavikoŭ samalotaŭ
Kampanija Rolls-Royce prademanstravała svaju novuju raspracoŭku — pratatypaŭ maleńkich robataŭ-tarakanaŭ, jakich možna budzie vykarystoŭvać dla ahladu ŭnutry avijacyjnych ruchavikoŭ, kab vyjavić i likvidavać niaspraŭnaści, paviedamlaje CNBC.
Fota: CNBC.
Pa słovach pradstaŭnika Rolls-Royce Džejmsa Keła (James Kell), minijaciurnaja technałohija dapamoža pavysić jakaść techničnaha absłuhoŭvańnia samalotaŭ, paskoryŭšy praciahłaść ahladu i ŭstaraniŭšy nieabchodnaść źniaćcia i razborki ruchavika dla praviadzieńnia pravierki jaho stanu.
Malusieńkija robaty dapamohuć inžynieram zekanomić čas pry ahladzie. «Kali b my heta rabili zvyčajnym sposabam, heta zaniało b u nas piać hadzin; z maleńkimi robatami heta moža zaniać piać chvilin», — dadaŭ jon.
Taksama śpiecyjalisty Rolls-Royce pracujuć nad stvareńniem robataŭ-źmiej, jakija buduć dastatkova hnutkimi dla pieramiaščeńnia pa ruchaviku ŭ jakaści endaskopa. Jany buduć pranikać praz kamieru zharańnia, vyjaŭlać paškodžańni i vydalać reštki śmiećcia.