Jak vyhladaje abnoŭleny stadyjon «Dynama», na jakim zhulali pieršy z 2012 hoda sapraŭdny matč FOTAREPARTAŽ
jak vam abnoŭlenaja arena?
Siońnia na abnoŭlenym stadyjonie «Dynama» adbyŭsia matč u adkaz pieršaha kvalifikacyjnaha raŭnda Lihi Jeŭropy pamiž minskim «Dynama» i irłandskim Dery Sici. Heta pieršy matč, jaki praviali minčuki na stadyjonie z momantu pačatku rekanstrukcyi ŭ 2012 hodzie.
Nahadajem, u pieršym matčy ŭ haściach minčuki pieramahli ź likam 2:0, što rabiła ich favarytami pa vynikach dvuchmatčavaha supraćstajańnia.
Futbalisty minskaha «Dynama» na abnoŭlenaj dynamaŭskaj arenie prapuścili hoł užo na 7-j chvilinie paśla ŭdaru Alistara Roja.
U siaredzinie pieršaha tajma Alaksandr Sačyŭka adnaviŭ raŭnavahu ŭ liku. Paśla pierapynku haspadary vałodali inicyjatyvaj, ale na 75-j chvilinie praziavali kontrataku, i Ronan Chejł zabiŭ pieramožny miač - 2:1 na karyść haściej.
Takim čynam pa vyniku dvuch hulniaŭ minčuki vyjšli ŭ druhi raŭnd. Nastupnym supiernikam «Dynama» budzie pieramožca pary «Dynama» (Tbilisi, Hruzija) — «Dunajskaja Streda» (Słavakija).