Byłych homielskich pamiežnikaŭ za dziedaŭščynu pakarali na 2,5 hady kałonii
Raman Hładki (źleva) i Siarhiej Huziejeŭ na sudzie
Homielski rajonny sud 20 lipienia abviaściŭ vyrak za «dziedaŭščynu» dvum byłym pamiežnikam Ramanu Hładkamu i Siarhieju Huziejevu, piša Radyjo Svaboda.
Jany pryznanyja vinavatymi ŭ hvałcie, ździeku i žorstkim abychodžańni z sałdatami, jakija nie padparadkavany im pa słužbie, i na padstavie častki 2, artykułu 443 Kryminalnaha kodeksu pakarany 2 hadami i 6 miesiacami kalonii ahulnaha režymu.
Radavy Hładki i jafrejtar Huziejeŭ słužyli ŭ vajskovaj častcy № 1242, na rezervovaj mabilnaj zastavie «Novaja Huta». U sudzie znajšli paćviardžeńnie fakty nieadnarazovaha źbićcia i ździeku nad małodšymi sałdatami. Paciarpiełymi pryznany siamiora pamiežnikaŭ, pieraviedzienych sioleta słužyć u Homielskuju pamiežnuju hrupu.